ഈ കഥ നടക്കുന്നത്
വളരെ പണ്ടാണ്. ഞാന്‍ പ്ലസ്‌ ടു പഠിക്കുന്ന കാലം. ഞങ്ങളുടെ വിനോദയാത്ര വേള. വിനോദ
യാത്ര എന്ന് കേള്‍ക്കുമ്പോള്‍ ഏതൊക്കെയോ നല്ല സ്ഥലങ്ങള്‍ എന്ന് നിങ്ങള്‍
കരുതിയേക്കാം. പക്ഷെ ഞങ്ങളുടെ യാത്ര ഒരു തീര്‍ഥ യാത്ര എന്ന് പറയുന്നതാവും
കുറച്ചുകൂടി നല്ലത്. പഴനി, മധുര പിന്നെ പേരിനു കൊടൈക്കനാലും. അന്നാണ് അത്
സംഭവിച്ചത്. എല്ലാവരും ഏതോ ഒരു ചായ കടയില്‍ (കുറച്ച് വലിയ കട) അത്താഴത്തിനു കയറി.
സസ്യാഹാരികള്‍ എല്ലാവരും ഒന്നിച്ചിരുന്നു. മുട്ട മാത്രം കഴിക്കുന്ന രണ്ടു പേരും
പിന്നെ മുട്ട പോലും കഴിച്ചിട്ടില്ലാത്ത കുമ്പിടിയും, വേറെ ഒരാളും. എന്തുണ്ട്
കഴിക്കാന്‍ എന്ന് ഞങ്ങള്‍ ചോദിച്ചു. ചപ്പാത്തിയും ചിക്കന്‍ ബിരിയാണിയും എന്നയാള്‍
പറഞ്ഞു. വെജിറ്റബിള്‍ ബിരിയാണി ഇല്ലേ എന്നു ചോദിച്ചു. ഇല്ല എന്നാണ് അയാള്‍
പറഞ്ഞത്. ഉടനെ തന്നെ കടയുടെ മുതലാളി വന്നു. വെജിറ്റബിള്‍ ബിരിയാണി ഉണ്ടെന്നു
പറഞ്ഞു. ഞാന്‍ ചപ്പാത്തിയും കുമ്പിടിയും കൂടെ ഉള്ള ആളും വെജിറ്റബിള്‍ ബിരിയാണിയും
വേണമെന്നു പറഞ്ഞു. ചപ്പാത്തി ആണ് ആദ്യം വന്നത്. അതിന്‍റെ മുകളിലേക്ക് അയാള്‍ കറി
ഒഴിച്ചു. എല്ലാവരുടെയം ദേഹത്ത് വീഴത്തക്ക അളവിലും ശക്തിയിലുമാണ് അയാള്‍ ഒഴിച്ചത്. വെള്ളം
കിട്ടിയില്ലായിരുന്നു. കുമ്പിടിയുടെ കൂടുകാരന് ആരോ കുടിച്ച ഗ്ലാസില്‍ അയാള്‍
വെള്ളം ഒഴിച്ചു. അവന്‍ വേറെ ഗ്ലാസ്‌ ആവശ്യപെട്ടു. അപ്പോള്‍ അയാള്‍ അപ്പുറത്തെ
ടേബിളില്‍ ഏതോ ഒരാള്‍ കുടിച്ചുകൊണ്ടിരുന്ന ഗ്ലാസ്‌ എടുത്തു വെള്ളമൊഴിച്ചു തന്നു.
അപ്പോഴേക്കും ബിരിയാണി വന്നു. അവര്‍ അത് കഴിച്ചു തുടങ്ങി. കഴിച്ചു കുറച്ചയപോള്‍
തന്നെ എല്ലിന്‍റെ കഷ്ണം കിട്ടി. ഇന്നേ വരെ മാംസമോ മത്സ്യമോ മുട്ടയോ കഴിക്കാത്ത
അവനെ അവര്‍ ഇറച്ചി കഴിപ്പിച്ചു. വെള്ളം കിട്ടാത്തതിന്‍റെ ദേഷ്യവും അവന്‍റെ മുഖത്ത്
കാണാമായിരുന്നു. അപ്പോഴാണ് മുതലാളിയുടെ വരവ്. ചിക്കന്‍ എടുത്തു കളയാന്‍ മറന്നു
പോയി എന്ന് അയാള്‍ പറഞ്ഞു. അവന്‍റെ ദേഷ്യം മലയാളത്തിലെ തെറികളായി അവിടെയുള്ള
എല്ലാവരും കേള്‍ക്കതക്ക ഒച്ചയില്‍ പുറത്തേക്കു വന്നു. പിന്നെ നടന്നത് എന്തെന്ന്
ഓര്‍മയില്ല.
അഭിപ്രായങ്ങളൊന്നുമില്ല :
ഒരു അഭിപ്രായം പോസ്റ്റ് ചെയ്യൂ